मित्रांनो आज चांदीच्या दरात तब्बल १६७१ रुपयांची घसरण झाली आहे, तर २४ कॅरेट सोन्याचा भाव प्रति १० ग्रॅम २११ रुपयांनी कमी झाला आहे. सध्या २४ कॅरेट सोन्याचा दर ९५,४२० रुपये प्रति १० ग्रॅम इतका आहे. चांदीचा दर देखील घसरून ९६,०१३ रुपये प्रति किलो झाला आहे.
जीएसटीसह सोन्याचा दर ९८,२८२ रुपये प्रति १० ग्रॅम आणि चांदीचा दर ९८,८९३ रुपये प्रति किलो इतका झाला आहे.
आयबीजेएने जाहीर केलेले दर
इंडिया बुलियन अँड ज्वेलर्स असोसिएशन (IBJA) सराफा बाजाराचे दर जाहीर करते, मात्र या दरांमध्ये जीएसटीचा समावेश नसतो. तुमच्या शहरानुसार सोन्या-चांदीच्या दरात १००० ते २००० रुपयांचा फरक असू शकतो. आयबीजेए दररोज दोनदा — दुपारी १२ वाजता आणि सायंकाळी ५ वाजता — नवे दर प्रकाशित करते.
१४ ते २३ कॅरेट सोन्याचे ताजे दर
- २३ कॅरेट सोनं — प्रति १० ग्रॅम दर ९५,०३८ रुपये (२११ रुपयांनी घट)
- २२ कॅरेट सोनं — सरासरी स्पॉट दर ८७,४०५ रुपये (१९३ रुपयांनी घट)
- १८ कॅरेट सोनं — दर ७१,५६५ रुपये (१५८ रुपयांनी घट)
- १४ कॅरेट सोनं — दर ५५,८२१ रुपये (१२३ रुपयांनी घट)
गेल्या काही वर्षांतील गुंतवणुकीचा परतावा
अक्षय्य तृतीयेला सोने खरेदी करण्याला विशेष महत्त्व आहे. जर तुम्ही २०१५ साली या दिवशी सोनं खरेदी केलं असतं, तर आज त्या गुंतवणुकीचे मूल्य २००% पेक्षा जास्त वाढले असते. २०१५ मध्ये १० ग्रॅम सोन्याचा दर २६,९३६ रुपये होता. गेल्या एका वर्षात सोन्याचा दर ७३,२४० रुपयांवरून ९६,००० रुपये प्रति १० ग्रॅमपर्यंत पोहोचला आहे, म्हणजेच एका वर्षात सोन्याने ३०% परतावा दिला आहे.