मंडळी महागाईच्या लाटेत आधीच होरपळून निघालेल्या सर्वसामान्य नागरिकांसाठी एक मोठी बातमी समोर आली आहे. ८ एप्रिल २०२५ च्या मध्यरात्रीपासून एलपीजी गॅस सिलिंडरच्या किमतीत ५० रुपयांची वाढ करण्यात आली आहे. पेट्रोल-डिझेलच्या दरवाढीनंतर गॅसची ही महागाई म्हणजे घरगुती बजेटसाठी एक मोठा धक्का आहे.
नवीन दर काय आहेत?
- प्रधानमंत्री उज्ज्वला योजना (PMUY) अंतर्गत मिळणाऱ्या सिलिंडरची किंमत आता ५५० रुपये झाली आहे.
- सामान्य (बिगर-उज्ज्वला) ग्राहकांसाठी किंमत ८०३ वरून ८५३ रुपयांवर पोहोचली आहे.
ही दरवाढ संपूर्ण देशभर लागू असून याचा थेट परिणाम स्वयंपाकघरातील खर्चावर होणार आहे.
दरवाढीचं कारण काय?
तेल कंपन्यांना गॅस विक्रीमुळे ४३,००० कोटी रुपयांचे नुकसान झाले आहे. हे नुकसान भरून काढण्यासाठीच केंद्र सरकारने गॅस दर वाढवण्याचा निर्णय घेतला आहे. ही माहिती केंद्रीय पेट्रोलियम मंत्री हरदीप सिंग पुरी यांनी दिली.
सामान्य माणसावर परिणाम
घरखर्च आधीच तंग असताना, दर महिन्याला ५० रुपये अधिक मोजण्याची वेळ आता प्रत्येक घरावर येणार आहे. उज्ज्वला योजनेचा लाभ घेणाऱ्या गरीब महिलांनाही याचा फटका बसणार आहे, जे त्यांच्या आर्थिक स्थितीसाठी अजून कठीण ठरू शकतं.
आताही इतकं, मग पुढे काय?
गॅस दर हे सरकारच्या नियंत्रणात नसल्यामुळे दर १५-३० दिवसांत आढावा घेतला जातो. आंतरराष्ट्रीय इंधन बाजारातील स्थिती लक्षात घेता, पेट्रोल, डिझेल आणि गॅसच्या किमती भविष्यात आणखी वाढू शकतात, असं संकेत पुरी यांनी दिले.
महागाईची झळ सहन करताना सर्वसामान्य माणूस दररोज जरा थोडं अधिक देतोय… पण त्याचे अर्थकारण कोलमडत चालले आहे. तुमच्या मते, सरकारने या स्थितीत कोणते पर्याय उपलब्ध करून द्यायला हवेत? तुमचं मत खाली कमेंटमध्ये जरूर शेअर करा.
