गॅस सिलिंडर दरात झाले मोठे बदल , पहा आजचे नवीन ताजे दर

मंडळी १ एप्रिलपासून अनेक आर्थिक आणि व्यावसायिक नियमांमध्ये बदल करण्यात आले असून, यामध्ये एलपीजी गॅसच्या किंमतींचाही समावेश आहे. तेल विपणन कंपन्यांनी (OMCs) एलपीजी सिलिंडरच्या नवीन दरांची घोषणा केली आहे. नवीन दरानुसार, १९ किलोच्या व्यावसायिक एलपीजी सिलिंडरच्या किमतीत ४५ रुपयांची घट करण्यात आली आहे, तर घरगुती गॅस सिलिंडरच्या दरात कोणताही बदल करण्यात आलेला नाही. १ ऑगस्ट २०२४ पासून घरगुती सिलिंडरच्या दरात कोणतीही वाढ किंवा कपात झालेली नाही.

शहरानुसार नवीन दर

इंडियन ऑइलने जाहीर केलेल्या ताज्या दरांनुसार

• दिल्ली — १९ किलो एलपीजी सिलिंडरचा नवा दर १७६२ रुपये, जो मार्च महिन्यात १८०३ रुपये होता.
• पटना — व्यावसायिक एलपीजी सिलिंडरचा नवा दर २०३१ रुपये.
• कोलकाता — मार्च महिन्यात १९१३ रुपये असलेली किंमत आता १८६८.५० रुपये करण्यात आली आहे. निळ्या सिलिंडरची किंमत १९२१.५० रुपये झाली आहे, जी मार्चमध्ये १९६५.५० रुपये होती.
• मुंबई — व्यावसायिक एलपीजी सिलिंडरचा नवा दर १७१३.५० रुपये, जो मार्च महिन्यात १७५५.५० रुपये होता. घरगुती गॅस सिलिंडरची किंमत मात्र ८०२.५० रुपये कायम ठेवण्यात आली आहे. दरांमधील बदलांचा इतिहास

गेल्या सहा वर्षांत व्यावसायिक एलपीजी सिलिंडरच्या किंमती तीन वेळा वाढल्या आणि तीन वेळा कमी झाल्या आहेत. २०२२ मध्ये एलपीजी गॅस सिलिंडरच्या दरात मोठी वाढ झाली होती, ज्यामुळे किंमत २४०६ रुपयांपर्यंत पोहोचली होती. तेव्हापासून सिलिंडरच्या किमतींमध्ये अनेक वेळा चढ-उतार झाले आहेत.

या नव्या दरांमुळे व्यावसायिक क्षेत्राला काही प्रमाणात दिलासा मिळण्याची शक्यता आहे, मात्र घरगुती ग्राहकांसाठी गॅसच्या किंमती पूर्ववत राहिल्या आहेत.